Twisted компаниясы ескі «Жука»дан жаңа жағажай баггиясын жасады

«Дефендер» және Suzuki Jimny-ге негізделген рестомодтарымен танылған Twisted компаниясы ескі Volkswagen Beetle-ге негізделген жаңа жобасын көрсетті. Оны 1960 жылдардағы Baja Bugs жағажай көлігінің заманға сай нұсқасы деп атауға болады. Фирма донордың моторын, жүріс бөлігін, шанағын және салонын өзгерткен. Конверсияның бағасы белгісіз.

Twisted 1960-1980 жылдары шыққан «Жукты» Tbug атауын алған көлікке негіз ретінде пайдалануға дайын. Шеберлер автомобильдің аспасын жаңартып, клиренсін биіктетеді және BFGoodrich шинасы мен қуатты тежеуіші бар дөңгелек дискісін орнату үшін шанағының кей бөлігін өзгертеді. «Жуктың» артқы жағы да кейбір шанақ деталінен айырылды.

Twisted өкілдері жол талғамайтын машина стандарт оппозит мотормен жүретінін айтты, бірақ біршама түрлендірген соң қуаты 80 ат күшіне (екі есеге жуық) артады.

Tbug диодты жарық техникасы мен жаңа салонның арқасында заманауи көрінеді. Бірақ Twisted тапсырыс берушінің талабына сәйкес әр экземпляр ерекше болады. Тюнерлер қажет болса машинаны медиажүйе немесе кондиционермен жабдықтайды.