Audi Q5 және Q5 Sportback-тің жаңа гибрид жүйесі таныстырылды

Компания Q5 және Q5 Sportback модельдеріне жаңа қуат көзін қосты, олар енді қуатталатын гибрид нұсқада да қолжетімді. Бұл көліктер электр қуатының көмегімен 100 шақырым жолды еңсере алады. Еуропада бензоэлектрлі Q5 модельдеріне тапсырыс қабылдау маусым айының ортасында басталады.

1. 

   Audi Q5 e-hybrid quattro
2. Audi Q5 e-hybrid quattro
3. Audi Q5 e-hybrid quattro

Бренд бұл көліктерге бұған дейін Audi A5-де қолданылған гибрид жүйені бейімдеген. Екеуі де 252 ат күшіне ие 2 литрлік бензинді турбоқозғалтқышпен жабдықталған, электрлі агрегатпен бірге. Жинақталып, 299 немесе 367 ат күшін береді. Мотор роботты трансмиссия және толық жетек жүйесімен жұмыс істейді.

Базалық Audi Q5 e-hybrid quattro алғашқы 100 шақырымды 6.2 секундта, ал қуаттылығы жоғары нұсқа 5.1 секундта еңсереді. Екі көліктің ең жоғары жылдамдығы - 250 км/сағ.

Жаңа аккумулятор қуаттылығы 45%-ға артқан, енді ол 25.9 кВт⋅сағ сыйымдылығына ие. Батарея жүксалғыш астында орналасқан.

1. Audi Q5 Sportback e-hybrid quattro
2. Audi Q5 Sportback e-hybrid quattro
3. Audi Q5 Sportback e-hybrid quattro

Кроссовер тек электр қуатымен немесе екі қозғалтқышпен де жүруге мүмкіндік береді. Гибрид режимінде жүргізуші аккумулятордағы қуат деңгейін өзі реттей алады, ал электроника белгіленген деңгейден төмен түсірмейді. Үш сатылы рекуперация жүйесі де реттеледі.

Базалық жабдықтар тізіміне S-пакеті кіреді, оның құрамында спорттық аспа, қызыл суппорттар, 19 дюймдік дөңгелектер және бүйірлік тірегі жақсарған орындықтар бар. Мультимедиа жүйесі мен үш аймақты климат-бақылау жүйесі де бар.

Компания гибрид Q5-ті Мексикадағы зауытында құрастырып, биыл III тоқсанда жеткізе бастайды. Германиядағы бастапқы бағасы - 63.4-74.3 мың еуро (37-43.5 млн теңгеге жуық), бұл бағалар шанақ түрі мен күштік құрылымына байланысты болады.