BMW M8 спорткарын 2025 жылы өндірістен тоқтатады

BMW жақында M8 спорткарын өндірістен алып тастауды жоспарлап отыр. Инсайдер мәліметтері бойынша, M8 моделі 2025 жылдың басында шығару тоқтатылады және оның ізбасары болмайды.

8-сериялы топтаманың басқа модельдеріне де осындай тағдыр күтіп тұр. BMW делдалдарына M8-ге 20 желтоқсанға дейін түскен тапсырыстарды орындайды, содан кейін модель бренд конфигураторынан шығарылады. Арнайы ашық шанақты M8 және Gran Coupe нұсқалары біраз уақыт қолжетімді болады.

Басылымның мәліметіне сәйкес, BMW бастапқыда стандартты 8-сериялы жаңа буынды 2026 жылғы модельдер қатарында шығаруды жоспарлаған, алайда бұл жоспар қазіргі уақытта уақытша тоқтап тұр. Түпкілікті шешім әлі келген жоқ.

8-сериялы BMW-дың болашағы

8-серия BMW онжылдықтың аяғына қарай қайта жарық көреді, бірақ тек Gran Coupe түрінде. Себебі, осы шанаққа ғана сұраныс жоғары. Сондай-ақ компания топтаманы жаңа Neue Klasse платформасына ауыстырмайтын болады, бірақ жаңартылған «сегіздік» толық электрлі модель ретінде шығарылатын болады.

Неге M8 өндірісі тоқтатылады?

BMW M8 купесінен сауда көлемінің аз болуы және гранд-турер сегментіндегі жоғары бәсекелестік себепті бас тартуда. M8 купесі 625 ат күшіне ие 4.4 литрлік V8 моторымен жабдықталған (Competition нұсқасы) және базалық бағасы 138,500 еуро (75.4 млн теңге) шамасын құрайды. Бұл баға Porsche 911 және BMW M5 модельдеріне жақын.