Tesla 2024 жылғы сауда көрсеткіштері: Ең төмен деңгей

Tesla 2024 жылғы жетістіктері туралы ресми мәлімет жариялады. IV тоқсандағы сауда рекордтық деңгейге жеткенімен, жылдық көрсеткіш төмендеген. Бұл соңғы он жылдан астам уақыт ішіндегі алғашқы құлдырауы.

Былтыр соңғы үш айда компания 495 570 автомобиль сатты. Бұл сарапшылардың болжамынан төмен болғанымен, өткен тоқсанмен немесе 2023 жылдың ұқсас кезеңімен салыстырғанда жоғары. Негізгі сауда үлесі Model 3 және Model Y көліктеріне тиесілі болды. Ал қалған модельдердің небәрі 23.5 мыңнан астамы сатылды.

Осылайша Tesla электромобиль өндірушілер арасындағы жарыста BYD концерніне жол берді. BYD-дің 595.4 мың электрокары өткерілді.

Былтыр бренд 1 789 226 электромобильдің кілтін тапсырды, бұл 2023 жылғы нәтижеден шамамен 1% аз, бірақ қытайлық бәсекелесінен сәл жоғары.

Model Y-дің болашағы

Компания қаңтардың басында Model Y 2024 жылдың қорытындысы бойынша әлемдегі ең танымал автомобиль атануы мүмкін екенін мәлімдеді. Дегенмен, нақты деректерді жарияламады. Толық ақпарат айдың аяғында қаржылық есеп жарияланған уақытта белгілі болады.

Алдын ала мәліметтер бойынша, 2019 жылы жарық көрген Model Y биыл алғаш рет жаңарады, бұл оның танымалдығын арттыруға ықпал етуі мүмкін.