Жаңа Toyota RAV4: Дизайнында өзгеріс, платформасы сақталады

Алтыншы буындағы Toyota RAV4-тің алдыңғы бөлігі брендтің жаңа стиліне сай келіп, бұрынғы платформасын сақтап қалатыны туралы Creative Trend хабарлайды. Басылымның жазуынша, жаңа көліктің алғашқы суреті Қытайдағы Toyota мен GAC бірлескен кәсіпорнының конференциясында көрсетілген.

Суретке қарап жаңа Toyota RAV4-тің қазіргі моделінен дизайнымен ерекшеленетінін айтуға болады. Негізгі ерекшеліктері:

• Бедерлі капот;
• Қырлы бампер;
• С пішінді оптика;
• Шанақ түстес радиатор торы.

Бұл элементтер брендтің қазіргі стиліне сәйкес келеді, мысалы, электрлі модельдерде де осындай жарық техникасы бар. Toyota Crown топтамасының радиатор торы да дәл осындай.

Кроссовер өзіне тән қырлы дөңгелек аркасы мен бедерлі бүйірімен айқындалады.

Дереккөздерге сүйенсек, Қытайдағы конференцияда Toyota Wildlander-дің алғашқы фотосы көрсетілген болуы ықтимал. Ол — Toyota мен GAC бірлескен жобасы, RAV4-тің клоны. Бірақ танымал кроссовердің әлем нарығына арналған нұсқасы осындай дизайнда болады деп болжануда. Дизайн детальдарының кейбірі RAV4 прототипінің элементтерімен ұқсас.

Қолжетімді деректер бойынша, жаңа буын RAV4-тің электрлі нұсқасы шығарылады. Дәстүрлі қозғалтқыш негізінен гибридті болуы мүмкін, бірақ модельдің 2 литрлік бензинді мотормен жүретін нұсқасы да болады. Кроссовер биыл нарыққа шығады деп жоспарлануда.