Автосалондарда ақпандағы сауда рекорды орнауы мүмкін

Жыл басындағы ресми автонарық саудасы әдетте төмен болады, алайда биыл жағдай өзгерді. Ақпанда 15 208 жеңіл автомобиль мен коммерциялық техника, сонымен қатар 755 жүк көлігі мен автобус сатылды.

Қазақстанның автокөлік одағы (ҚАО) ақпандағы сауда нәтижесінің қаңтардағы көрсеткішпен салыстырғанда 41.6 пайызға, былтырғы ақпандағы нәтижемен салыстырғанда 29.9 пайызға өскенін хабарлады. Осылайша, биыл алғашқы екі айдағы көрсеткіш 2024 жылмен салыстырғанда 15.7 пайызға жоғары болды. Мұндай қарқынмен биыл нарықта рекорд орнауы мүмкін.

ҚАО президенті Анар Мақашеваның айтуынша, ресми дилерлер мен автосалондар клиенттерге тиімді қаржылық бағдарламаларды ұсыну арқасында көбірек машина сатылуда. Спикер сұраныстың арта түсетініне сенімді.

2025 жылғы ақпанның қорытындысы бойынша жаңа автомобильдер нарығындағы үздік 10 марка

Танымал модельдер тізімінде Chevrolet Cobalt көш бастады, оның 1776 данасы иесін тапты. Ол Hyundai Tucson-нан (1734 дана) озып, үшінші орынды Hyundai Elantra (960) иеленді. Үздік бестікке Kia Sportage (954) мен Қазақстан нарығына былтыр шыққан Hyundai Mufasa (499) енді.

Екі айдың қорытындысы бойынша брендтер рейтингінде Hyundai (7246; +22.6%) алғашқы орында. Екінші және үшінші орындарға Chevrolet (3271; +66.6%) мен Kia (2785; -9.1%) орналасқан.

2025 жылғы екі ай қорытындысы бойынша жаңа автомобильдер нарығындағы үздік 10 марка