Наурыз мейрамы: жаңару мен табиғаттың ояну кезеңі

Бүгін Қазақстанда Наурыз мейрамы, көктем мен жаңарудың мерекесі аталып өтуде! Жаңа жыл мен жаңа ауыл шаруашылығы маусымының басталуымен сіздерді шын жүректен құттықтаймыз – деп хабарлайды eldala.kz тілшісі.

Наурыз мерекесі ауыл шаруашылығы министрі Айдарбек Сапаровтың құттықтауымен басталды. Ол Наурыздың ауыл шаруашылығы секторы үшін ерекше маңызы бар екенін атап өтті.

Наурыз - жаңа бастамалар уақыты

Бұл кезеңде қыстың ызғары кетіп, табиғат оянады. Ауыл шаруашылығы мамандары көктемгі егу жұмыстарын бастайды.

«Егіс науқаны мемлекет басшысының қатаң бақылауында. Өткен жылы, президенттің тапсырмасы бойынша, көктемгі егіс және жинау жұмыстарына жұмсалатын қаржы үш есе арттырылып, рекордтық 580 млрд теңгеге жетті. Осы шаралардың нәтижесінде аграршылар 26,7 млн тонна астық жинады. Бұл соңғы 11 жылдағы ең үздік көрсеткіш. Биыл қаржы 700 млрд теңгеге дейін ұлғайтылатын болады, бұл сөзсіз отандық ауыл шаруашылығы секторын дамытуға жақсы серпін береді. «Бірлік бар жерде, тірлік бар», — дейді халық. Мен мемлекет тарапынан қолдау мен біздің бірлескен еңбегіміз арқылы, бұл жылдың барлық ауыл шаруашылық бастамаларына табыс әкелетініне сенемін» - деді министр.