2025 жылы ауыл шаруашылығы техникаларын сатып алуға 200 млрд теңге бөлінеді

Қазақстанда 2025 жылы ауыл шаруашылығы техникаларына арналған жеңілдетілген лизингке 200 миллиард теңге бөлінеді. Қаржыландыру ақпанда басталады - деп хабарлайды eldala.kz тілшісі.

Ауыл шаруашылығына жаңа серпін

Ауыл шаруашылығы министрі Айдарбек Сапаровтың айтуынша, жеңілдетілген қаржыландыру ауыл шаруашылығы техникасын жаңартуға қосымша серпін береді, бұл агросектордың өнімділігі мен тұрақтылығын арттыруға ықпал етеді.

Техника жаңару көрсеткіштері

Министрліктің мәліметтері бойынша, 2024 жылы Қазақстан аграрийлері 22 мыңнан астам заманауи техника сатып алған. Ауыл шаруашылығы техникасының жаңаруы 5,5%-ды құрады, ал биылғы жылға бұл көрсеткішті 6,5%-ға жеткізу мақсаты қойылған.

Ауыл шаруашылығы техникаларының саны

• 140 мың трактор;
• 5,5 мың жоғары өнімді себу кешені;
• 76,4 мың сепкіш;
• 220 мың жерді өңдейтін құралдары.

Нормативтер мен шынайылық

Ауыл шаруашылығы секторындағы тиімді жұмыс үшін техниканың жаңаруы 10% нормативін құраса да, Қазақстан бұл көрсеткішті ұзақ уақыт бойы 4%-ға да жеткізе алмады.