Қытай кәсіпорны Қазақстаннан жем-шөп сатып алуды жоспарлап отыр

Қытайдың Нингся мемлекеттік фермерлік шаруашылығы, 250 мың бас малды ұстайтын кәсіпорын, Қазақстаннан люцерна мен жүгеріні сатып алу не бірлесе өндірумен қызығушылық танытатынын хабарлайды eldala.kz тілшісі.

Нингся мемлекеттік фермасы ауыл шаруашылығымен айналысады, активтері 400 млрд еуродан асады. Шара барысында компанияның бас директоры Дуань Чжицян люцернаны және жүгеріні сатып алу немесе бірлесіп өсіріп шығару туралы ниетін білдірді.

“Біздің компания 70 жылдан астам уақыттан бері сүтті тұқымды ірі қара малды өсіруде озық тәжірибелерді енгізуде, қазіргі заманғы мал шаруашылығына ие. Біз люцерна мен азықтық жүгеріні өсіру бойынша B2B тәжірибеміз бар, сондай-ақ, бөлу мен "ақылды" су тарату жүйелері бойынша жаңа технологияларымыз бар,” — деді компанияның бас директоры.

Арман Шаккалиев Қазақстанда 260 млн гектар ауыл шаруашылығына арналған жер бар екенін атап өтті.

“Біз сіздердің технологияларыңыз бен стандарттарыңыз бойынша өнімдерді өсіріп, өңдеу мен экспортқа шығару принциптері бойынша ауыл шаруашылығымыздың дамуын қамтамасыз етуге мүдделіміз. Сіздің агроөнеркәсіптік кешеніңізді ескере отырып, Қазақстанға инвестор ретінде келуге шақырамыз,” — деді Арман Шаккалиев.

Сиань қаласында Қазақстан делегациясының сапары барысында сауда-экономикалық миссия ұйымдастырылды, оның нәтижесінде 98 млн доллар көлемінде экспорттық келісімдер жасалды. QazTrade орталығы 50-ден астам қазақстандық компанияның өнімдерін таныстырған көрмесін ұйымдастырды. Ұн, майлы дақылдар және дәнді дақылдар Қытай нарығында жоғары сұранысқа ие. Бұл өнімдер Қазақстанның Қытайға стратегиялық экспортын құрайды және отандық өндірушілер үшін жаңа мүмкіндіктер ашады.