Жанасемейде жаңа ет-комбинат құрылысын бастайды

Eurasia Agro Semey ағымдағы жылы Семеяның Жанасемей ауданында қуаты 35 тоннаны құрайтын ет-комбинатын салуды жоспарлап отыр - деп хабарлайды eldala.kz тілшісі.

Жобаның құны 8,4 миллиард теңге. Кәсіпорын қазіргі заманғы австралиялық технологиялармен жабдықталады. Жобаның жүзеге асырылуы кезінде 250 адам тұрақты жұмыспен қамтылатын болады.

«Комбинаттың қуаты тәулігіне 200 бас ірі қара және 1400 бас ұсақ малды соя алуға мүмкіндік береді. Жыл сайын 12,6 мың тонна дайын өнім шығарылып, экспортқа жіберілетін болады», - деп атап өтті акимат.

Сонымен қатар, жобаның аясында 50 мың бас қойды, 200 бас жылқыны және 200 бас ірі қара малды семірту алаңдарын құру қарастырылған.

«Абай облысында ауыл шаруашылығы, соның ішінде мал шаруашылығы дамып келеді. Регионның аграрлық әлеуеті зор. Көптеген фермерлік шаруашылықтар мал өсірумен айналысуда. Егер Семейде үлкен ет-комбинат салына болса, бұл облыстың мал шаруашылық саласына серпін береді. Біз өз тарапымыздан сәйкес қолдау көрсетуге дайынбыз. Сонымен қатар, кәсіпорынды малмен қамтамасыз ету үшін аудандарда семірту алаңдарының санын арттырамыз. Бұл шаруаларға да, ет-комбинатқа да тиімді болады», - деді облыс әкімі Берік Уәли инвесторлармен кездесуде.

Аталған өңір басшысы жаңа кәсіпорынның іргетасын қалауға арналған шараны мамыр айында өткізу жөнінде келісімге қол жеткізді.