Алматыда мотоцикл жүргізушісі жаппай ЖКО-ға себепкер болды

Мотоцикл жүргізушісі түнде оңтүстік астанада жаппай ЖKO-ға себепкер болды, - деп хабарлайды inalmaty.kz тілшісі. Оқиға Алматының Алатау ауданында, бүгін түнгі 3:30-да болды.

Департаменттің хабарлауынша, мотоцикл жүргізушісі Рыскулов даңғылымен батысқа қарай жүріп келе жатып, жол бойында келе жатқан Mercedes автокөлігімен соқтығысқан. Содан кейін ол қозғалысты жалғастырып, жолда тұрған үш жұмысшыға - екі ер адам мен бір әйелге соққан. Нәтижесінде екі ер адам оқиға орнында қайтыс болып, әйел адам Алматының ауруханаларының біріне жеткізілді.

Осы оқиға бойынша, екі адамның өліміне себеп болған ЖКО-ның тергеуі басталды. Қазір тергеу амалдары жүргізіліп жатыр.