Алматыда жүргізушіге миллион теңге айыппұл салынды

Шетелдік құқық бұзушы әкімшілік жауапқа тартылып, 25 хаттама жасалды, деп хабарлайды inalmaty.kz тілшісі.

Оперативті қызметкерлер әлеуметтік желілерді мониторингтеу барысында жол қозғалысы ережелерінің бірнеше мәрте бұзылу фактілерін анықтады.

Жүргізушінің жеке басы анықталды, ол 19 жастағы Қырғызстан азаматы болып шықты. Ол BMW маркалы автокөлікті мемлекеттік нөмірсіз басқарған.

Бұзушыға қатысты 25 әкімшілік хаттама әзірленді, бұл хаттамалар ҚР Әкімшілік құқық бұзушылық кодексінің әртүрлі баптарына сәйкес рәсімделді:

• 7 хаттама 590-баптың 10-тармағы (мемлекеттік нөмірсіз көлік құралын басқару),
• 7 хаттама 230-баптың 2-тармағы (сақтандыру полисінің болмауы),
• 6 хаттама 630-баптың 2-тармағы (жол жамылғысына зиян келтіру),
• 1 хаттама 630-баптың 1/1-тармағы (қайталап құқық бұзушылық),
• 1 хаттама 601-баптың 1-тармағы (жол белгілерінің талаптарын бұзу),
• 2 хаттама 601-баптың 2-тармағы (қайталап құқық бұзушылық),
• 1 хаттама 434-баптың 1-тармағы (кішігірім хулигандық — бейәдеп сөздер айтып, қоғамдық орындарда қорлау).

Жалпы айыппұлдың сомасы бір миллион теңгеден асты.