Алматыда полицейге қарулы шабуыл жасағандар сотталды

Кеше еліміздің оңтүстік астанасында оқиғаның қатысушыларына сот үкімі шықты, олар қаруға жүгініп, полицейге шабуыл жасағаны үшін жауапқа тартылды, - деп хабарлайды inalmaty.kz тілшісі.

Еске сала кетейік, 2024 жылдың 22 желтоқсанында Алматының Медеу ауданындағы Barland барының маңында келушілер мен күзет қызметкерлері арасында жанжал орын алды. Қақтығыс барысында полицейге пышақ жарақаты салынды, полицей зардап шекті.

Оқиға кезінде күзет қызметкері тіркелмеген травматикалық тапаншадан екі рет оқ атқан. Тексеру барысында, аталған тұлғада қаруды алып жүруге рұқсаттың жоқ екені, сонымен қатар ресми жұмыс істемейтіні анықталды, күзет қызметтерін ол ресми емес түрде көрсеткен.

Соттың шешіміне сәйкес, екі тарап та Қазақстан Республикасының Қылмыстық Кодексінің 293-бабының 3-бөлігі (хулигандық) және 380-бабының 3-бөлігі (мемлекеттік қызметшіге қатысты зорлық-зомбылық жасау) бойынша қылмыстық жауапкершілікке тартылды. Сот күзетшіге бес жыл, екінші қатысушыға бір жыл алты ай қатаң жаза кестті.