Алматыда жеңіл автокөліктің өртенуі тіркелді

Алматыдағы Аль-Фараби даңғылында жеңіл автокөлік өртенді. Құтқарушылардың жылдам әрекетінің арқасында от дереу сөндірілді - деп хабарлайды inalmaty.kz тілшісі.

Оқиға Бостандық ауданында, Аль-Фараби даңғылында кешкі уақытта орын алды. Төтенше жағдайлар комитетінің мәліметінше, құтқарушылар тез арада оқиға орнына жетіп, жалынды жойды.

Бақытымызға орай, зардап шеккендер жоқ. Қазіргі кезде өртенудің себептері анықталуда.

Төтенше жағдайлар қызметі әр автокөлік иесінің өрт қауіпсіздігі ережелерін сақтау міндеті екенін еске салады.