2025 жылы Ақтөбе қаласындағы инженерлік инфрақұрылым жобалары

2025 жылға жоспарланған жобалар туралы ақпарат қала әкімдігінде өткен мәжіліс барысында жария етілді. «Ақтөбе қаласында 54 тұрғын массиві орналасқан. Қазіргі уақытта олардың 46-сы электрмен және газбен, 37-і сумен қамтамасыз етілген. Халықты қажетті инженерлік-коммуникациялық инфрақұрылыммен толық қамтамасыз ету үшін 24 жоба бойынша 13,9 млрд теңге бөлінді», - деп хабарлайды Актобе Таймс.

Ағымдағы жылы «Жанаконыс-4», «Юго-Запад», «Рауан-2», «Сарбаз», «Жаңа ауыл-1» тұрғын массивтеріне электр қуатын жеткізу жобалары толық аяқталады. Биыл басталған «Сазда-3» және «Батыс-3» тұрғын массивтеріндегі жұмыстар келесі жылы жалғасатын болады. Сонымен қатар, биыл «Парасат», «Шилисай-1», «Шилисай-2», «Думан», «Қарғалы» тұрғын массивтерінде су құбырлары жүргізіледі, ал «Батыс-3» микрорайонында кәріз желілері салынады.

Бірнеше тұрғын массивтеріне таза жер асты суды іздестіру жұмыстары да жүргізілуде. 2025 жылға қарай «Ақжар плюс», «Рауан-2», «Жанаконыс-4», «Жаңа ауыл-1», «Юго-Запад», «Баянауыл-1» және «41 разъезд» аудандарында газ құбырының құрылысын аяқтау жоспарлануда.