Дүниежүзілік экономика: 2024 және 2025 жылдардағы өсу динамикасы қалай болмақ?

Биыл шілдеде Халықаралық валюта қоры (ХВҚ) 2024 және 2025 жылдарға арналған әлемдік ЖІӨ-нің өсуі жөніндегі жаңа болжамын ұсынды. 2024 жылы глобалдық экономикалық өсудің 3,2% құрауы, ал 2025 жылы 3,3% деңгейінде болуы мүмкін. - деп хабарлайды ranking.kz.

Өсудің өңірлік ерекшеліктері

2024 жылы дамушы экономикасы бар елдерде ЖІӨ-нің ең жоғары өсуі күтіледі:

• Үндістан — 7%
• Филиппиндер — 6%
• Индонезия және Қытай — әрқайсысы 5%

Қазақстан үшін 2024 жылы 3,5% және 2025 жылы 4,6% өсім болжануда. Салыстырмалы түрде Ресейде 2024 жылы 3,2% өсім күтілуде, ал 2025 жылы бұл көрсеткіш 1,5%-ға дейін төмендеуі мүмкін.

Болжамдардың өзгеруі

Қазақстандағы 2025 жылға арналған ЖІӨ өсуі болжамы ХВҚ-ның сәуірдегі есебімен салыстырғанда 1 пайыздық пунктке төмендеді. Сауд Арабиясында 2025 жылға арналған болжам 1,3 пайыздық пунктке төмендеді, бұл елдегі ең нашар нәтиже ретінде тіркелді.

Есепте берілген елдер әлемдік өндірістің 83% құрайды.

Дамыған елдердің экономикасы

Әлемнің ірі экономикаларының бірі АҚШ-та биылғы жылға 2,6% өсім болжануда, бірақ 2025 жылы бұл көрсеткіш 1,9%-ға дейін төмендеуі мүмкін. Бұл жұмыс орындарының баяу келуіне және фискалдық саясаттың қатайуына байланысты. Германия да өңдеу өнеркәсібіндегі қиындықтарды өткеріп жатқандықтан, 2024 жылы 0,2% және 2025 жылы 1,3% өсім болжануда.

Нидерланды, Ұлыбритания, Жапония және Италия секілді басқа дамыған елдерде 2024 жылы әрқайсысында 0,7% өсім болжануда. Алайда 2025 жылға арналған болжамдарда өзгешеліктер анық байқалады: Нидерланды мен Ұлыбританияда 1,5% өсім күтілуде, Жапонияда 1%, ал Италияда 0,9% өсуі мүмкін.