Алматыда жаңа басшы тағайындалды

Алматы қаласының әкімі Ерболат Досаевтың шешімімен коммуналдық инфрақұрылымды дамыту басқармасының басшысы болып Шархан Турсунбаев тағайындалды. - деп хабарлайды inalmaty.kz тілшісі.

Шархан Шаймерденович Турсунбаев Қазақ бас сәулет-құрылыс академиясын және Қазақстан Халықтар достығы университетін тәмамдаған.

Мамандық жолы

Оның кәсіби мансабы 2010 жылы Алматының мемлекеттік сәулет-құрылыс бақылау басқармасында бас маман қызметіне орналасқан кезде басталды.

Қызмет баспалдақтары

• Ауэзов және Наурызбай аудандары әкімдерінің аппаратында әртүрлі қызметтер атқарды.
• 2018 жылы Алматы әкімінің аппаратындағы ұйымдастыру және бақылау бөлімінде бас маман ретінде жұмыс істеді.
• 2019 жылдан 2024 жылдың мамырына дейін Ауэзов ауданы әкімінің аппаратының жетекшісі, орынбасары қызметін атқарды.
• Соңғы тағайындауға дейін Алматы әкімдігі аппаратында орынбасар болып қызмет етті.