Қарағанды облысында жаңа ет комбинаты салынады

Абай ауданында Alisha Group жаңа ет комбинатын салып жатыр. Ол жылына 2,1 мың тонна шикізатты өңдеуге мүмкіндік беретін болады - деп хабарлайды eldala.kz тілшісі.

Комбинатта мал сою, ет өңдеу және консервіленген өнімдер шығару цехтары қарастырылған. Жоғарыда айтылған жобаның жабдықтары жақын арада жеткізіледі. Өндіріс нәтижесінде 20 жұмыс орны ашылады, ал болашақта штаттың кеңеюі жоспарланған.

Жоба инициаторы Рустам Калиевтің айтуынша, комбинат күніне 300 бас ұсақ мал мен 50 бас ірі қараны өңдеуге арналған.

«Өнімдер - салқындатылған және мұздатылған ет, ет консервалары, вакуумдық және термопакеттер, сондай-ақ тұтынушыларға әр түрлі форматта ұсынылатын жаңа өнімдер. Өндіріс заманауи талаптарға, соның ішінде халал стандарттарына және халықаралық азық-түлік қауіпсіздігі сертификаттарына сәйкес келеді. Келешекте - жүн мен теріні өңдеу желілерін іске қосу жоспарланған», - деді Рустам Калиев.

Оның айтуынша, негізгі сауда нарықтары Қазақстан, Персид шығанағы елдері, Қытай, Түркия және Еуропа болады.

Шикізатты жергілікті фермерлерден сатып алады, олармен алдын ала келісімдер жасалған. Болашақта компания өз малын өсіруді жоспарлап отыр.