Алматы метрополитенінде антитеррористік оқу-жаттығулар өтуде

Алматы қаласының метрополитенінде 22 мамыр күні 9:00-ден 17:00-ге дейін жоспарлы антитеррористік оқу-жаттығулар өтеді - деп хабарлайды inalmaty.kz тілшісі.

Оқиға Алматы метрополитенінің Белоруская көшесі, 15 мекенжайындағы депода өтуде. Антитеррористік орталықтың мәліметінше, оқу-жаттығулар кезінде пойыздардың қозғалысына шектеулер қойылмайды, метрополитен қалыпты режимде жұмыс істейтін болады.

Оқу-жаттығулардың мақсаты

Оқу-жаттығулардың негізгі мақсаты - әлеуетті террористік актілерді тоқтату алгоритмдерін игеру және күш құрылымдарының төтенше жағдайда әрекет ету дайындығын арттыру.

Қалалық тұрғындарға хабарландыру

• Тұрғындардан сабырлылық сақтауды, қауіпсіздік шараларын орындауды және оқу-жаттығуға қатысушы мемлекеттік органдардың заңды талаптарын орындауын сұраймыз.
• Заңды талаптарды орындамау жағдайында әкімшілік жауапкершілік туралы ескертеміз: ҚР Әкімшілік құқық бұзушылық кодексінің 443-бабына сәйкес, қоғамдық тәртіпті қамтамасыз ететін тұлғаның заңды талабына бағынбау әкімшілік жазаға әкеп соғуы мүмкін.