Ақтөбеде Ретро-парк қала иелігіне өтті

«Локомотив» кинотеатрының артындағы парк соңғы 20 жыл бойы «Рика» медиа-компаниясына тиесілі болды. Ақтөбе қаласының әкімі Азамат Бекетовтың ұсынысымен медиа-компанияның жетекшісі Наталья Бандровская Ретро-паркті қаланың иелігіне тегін беруге шешім қабылдады, хабарлайды Актобе Таймс.

«Уақыт өзгерді, тұрғындардың талаптары мен күтілімдері артты. Мен паркті ұстап тұра алмаймын, себебі оның модернизации айтарлықтай қаржылық шығын талап етеді. Оны қалаға беру - дұрыс шешім деп санаймын. Әкімнің жағдайға назар аударғаны және тұрғындар үшін паркті жаңартуға дайын екендігіне алғыс айтамын», - деді Наталья Бандровская.

Азамат Бекетовтың айтуынша, биыл паркті абаттандыру жоспарлануда. Жұмыстар спонсорлық қаржы есебінен жүзеге асырылатын болады. Территорияда балалар алаңы, футбол алаңы, орындықтар, қоқыс жәшігі орнатылып, жарықтандыру жүргізіледі.

«Ретро-парк - қаланың ескі бөлігінде тұратын жергілікті тұрғындар үшін маңызды орын. Модернизация кезінде оның тарихи мазмұны атауына сәйкес сақталады», - деп атап өтті Азамат Бекетов.

Еске сала кетейік, Ретро-парктің қаланың балансында болуы туралы ақпарат 2025 жылдың 17 сәуірінде «Ақтөбе Таймс» газеті арқылы жарияланған болатын.