Қазақ мектептерінде балалардың гаджетке тәуелділігі неге артуда?

Қазақстандағы мектеп оқушылары интернетте көп уақыт өткізетін болды, ал сабақ оқу уақыты азайды. Бұл қорытынды Ұлттық статистика бюросының жүргізген модульдік зерттеулерінің нәтижелерінен шығады - деп хабарлайды ranking.kz.

2018 жылы 10-14 жастағы балалар әлеуметтік желілер мен медиаға аптасына 1,5 сағат жұмсаса, бес жылдан кейін бұл көрсеткіш 1 сағат 46 минутқа дейін артты. Қыз балалар үшін де жағдай осындай: бұрын медиаға 1 сағат 18 минут жұмсаса, өткен жылы бұл уақыт 1 сағат 35 минутқа жетті.

Өзгерістер мен уақыт шығыны

Сонымен қатар, осы жастағы оқушылардың өздігінен оқу мен үй тапсырмаларын орындауға жұмсайтын уақыты жарты сағатқа қысқарған. Ұл балалар әдетте «үй жұмысына» 1 сағат 11 минут, ал қыздар 1 сағат 8 минут жұмсайды. Бұл уақыт мектептен тыс мәдени және спорттық шараларға, ойындарға жұмсалатын уақытпен шамалас.

Отбасылық істерге қатысу

Зерттеу нәтижелеріне сай, балалардың отбасымен және үй шаруаларымен уақыт өткізу белсенділігі де артқан. Ұл балалар аптасына үй шаруасында 46 минут жұмсайтын болса, 2018 жылы бұл уақыт 23 минутты құраған. Қыздардың да тазалау, ас дайындау, жуу уақыты 49 минуттан 1 сағат 13 минутқа дейін өскен.

Қазақстан Республикасы қоғамдық даму институтының әлеуметтік зерттеулері бойынша, 2024 жылы 72,8% ересек респонденттер «бала гаджетке тәуелділік» мәселесін өзекті деп санайды. Тек 24%-ы бұл мәселені маңызды емес деп есептейді.