Алматыда үш жол-көлік оқиғасы: зардап шеккендер жоқ

14 қараша күні таңертең Саин көшесі мен Әл-Фараби даңғылының қиылысы маңында үш жол-көлік оқиғасы тіркелді. Апатқа ұшыраған автокөліктер бір бағытта қозғалып келе жатқан. - деп хабарлайды inalmaty.kz тілшісі.

Мегаполис полиция басқармасы жол-көлік оқиғаларының нәтижесінде ешкім зардап шекпегенін хабарлады. Апаттың себептері мен жағдайлары тергеліп жатыр.

«Жол қозғалысының қатысушыларын жол қозғалысы ережелерін қатаң сақтауға, жүргізушілік мәдениетті көрсетуге және зейіндерін арттыруға шақырамыз. Бұл қаладағы жолдарда трагедиялардың алдын алуға көмектеседі»,- деді ведомство.