Шымкентте $650 млн көлеміндегі томат өсіру жобасы жүзеге асуда

Шымкентте $650 млн көлеміндегі томат өсіру жобасы жүзеге асырылуда, оған түрік компаниясы Alarko Holding қатысуда. Жобаның жүзеге асырылу барысы туралы ҚР Ауыл шаруашылығы министрлігінің баспасөз қызметі хабарлады - деп жазады eldala.kz тілшісі.

Жобаның кезеңдері мен міндеттері

Теплица кешенінің және шикізатты өңдеу цехының құрылысын Шымкентте 2025 жылға дейін екі кезеңде іске асыру жоспарланған.

• Бірінші кезеңде – 45 га,
• Екінші кезеңде – 130 га жер учаскесінде орналастырылып,
• Толық қуатқа шыққанда жылына 51 мың тонна өнім өндіру көзделуде.

Өнімнің сатылу нарығы ішкі және экспортқа – Ресей, Катар, БАӘ бағыттары бойынша жүзеге асырылмақ. Жобаның жүзеге асырылуы барысында 2 мыңнан астам жұмыс орны ашылады.

Қосымша жобалар мен академия ашу

Компания сонымен қатар, Шымкентте теплицалар үшін құрылымдар өндіретін зауыт ашуды жоспарлап отыр. Бұл құрылыс мерзімдерін қысқартуға мүмкіндік береді. Жоба аясында халықаралық стандарттарға сай агротехникалық стандарттарды даярлауға арналған мамандандырылған академия құру да қарастырылуда.

Тараптар инвестициялық жобаны талқылап, оны жүзеге асыру үшін мемлекеттік қолдау шараларын қамтитын инвестициялық келісім-шарттың шарттарын қарастырды.

Серік Жұманғарин инвесторға жан-жақты қолдау көрсетілетінін атап өтіп, ауыл шаруашылығының басқа да маңызды салаларында, соның ішінде астық, қант қызылшасы, терінің терең өңделуі бойынша өндіріс орны ашу мүмкіндіктерін қарастыруды ұсынды.