Президент Тоқаев Геннадий Зенченкоға алғыс білдірді

Президент Қасым-Жомарт Тоқаев Қазақстандағы агроөнеркәсіптік кешенді дамытуға қосқан үлесі үшін Геннадий Зенченкоға алғыс айтты. Бұл туралы eldala.kz тілшісі хабарлайды.

Геннадий Геннадьевич Зенченко Қазақстан Республикасының Президенті Қасым-Жомарт Тоқаевтың алғысымен марапатталды. Марапаттың себебі – агроөнеркәсіптік кешеннің дамуына, бәсекеге қабілеттіліктің артуына және сала әлеуетінің өсуіне қосқан елеулі үлесі болып табылады.

Айта кетейік, алғыс жариялау 24 қыркүйекте 60 жасқа толуымен байланысты.

• «Зенченко және К» - Қазақстандағы ең ірі сүт өнімдерін өндіретін компания.
• Компания құрамына жеті сүт-тауар фермасы мен Петропавл қаласында орналасқан сүт зауыты кіреді.
• 2023 жылы компания тарапынан 48 мың тонна сүт өндірілді.
• Компания 50 мың гектар жерді өңдейді, оның бір бөлігі мал азығы өндірісіне берілген.

«Зенченко және К» өнімдері Солтүстік Қазақстан, Астана және еліміздің басқа да көптеген қалаларында сатылады.