Солтүстік Қазақстанда жаңа сүт фермасы ашылды

Тараңғұл ауылында «Азия-Тараңғұл» ЖШС-нің сүт-тауар фермасының бірінші кезегі аяқталды. Бұл туралы Солтүстік Қазақстан облысының «Солтүстік» әлеуметтік-кәсіпкерлік корпорациясының баспасөз қызметі хабарлады.

• Жоба құны 4 миллиард теңге, оның 2 миллиард теңгесі – несие қаражаты.
• «Солтүстік» әлеуметтік-кәсіпкерлік корпорациясының кредиттеу және жобаларды басқару департаментінің басшысы Олжас Сагандықовтың мәліметі бойынша, агроқұрылым 10 жылға дейінгі мерзімге жеңілдетілген несие алды.
• Қаражат қой малы, қажетті жабдықтарды сатып алу және құрылыс-монтаж жұмыстарын жүргізуге жұмсалатын болады.
• Ферма 800 бас мал үшін жоспарланған. Агроқұрылым Еуропадан 500-ден астам симментал тұқымды мал әкелді.

Баспасөз қызметінің мәліметінше, жақын арада компания екінші кезеңнің құрылысын бастайды. Ферма толық қуатына шыққан жағдайда жылына 4 мың тонна сүт өндіретін болады. Олар «Eurasian milk» сүт өңдеу кәсіпорнымен серіктестік орнатқан.

Сонымен қатар, «Солтүстік» әлеуметтік-кәсіпкерлік корпорациясының хабарлауынша, Солтүстік Қазақстан облысының агроқұрылымдарына жеңілдетілген несиелеу тәжірибесі биылдан бастап еліміздің барлық өңірлерінде енгізіледі. Бүгінгі күні сүт-тауар фермаларын салуға 100 миллиард теңге бөлінді, соның ішінде 17 миллиард теңгесі Солтүстік Қазақстан облысына арналған - деп хабарлайды eldala.kz тілшісі.