Астана командасындағы Ннамди Аханонуның тағдыры белгісіз

vesti.kz сайтынан алынған ақпарат бойынша, 23 жастағы форвард командадағы бәсекеде өз жолдастарына қарағанда осал болып, алаңға сирек шығады. Жаңа КПЛ маусымында Аханонудың атына бірде-бір матч жазылмаған.

2024 маусымында нигериялы футболшы барлық турнирлерде 25 матч өткізді және бар болғаны үш гол соққан. Оның орнына "Астана" басқа шетелдік ойыншылармен келісімшарт жасауды жоспарлап отыр.

Қазақстанға көшпестен бұрын Аханону Албания чемпионатында өнер көрсетіп, жергілікті "Турбина" мен "Скендербеу" командаларында сәйкесінше алты және тоғыз гол соққан.