Ветеринарияда заңбұзушылықтар анықталды

Ветеринария саласындағы прокурорлық тексеру барысында инфекциялардың таралуын жасыру, жалған ветеринарлық анықтамаларды беру, вакцинация және диагностикалау кезінде қоспаларды қолдану, вакциналарды сатып алуда бағалардың көтерілуі сияқты көптеген заңбұзушылықтар анықталды.

Тексеру қорытындысында 500-ден астам ветеринарлық қызметкерлер жауапқа тартылған, екі қылмыстық іс тергелуде.

«Біріншіден, сапасыз вакциналарды сатып алу және олардың бағаларын 2 миллиард теңгеге көтеру фактілері бойынша тергеу басталды. Тергеу Антикорға жүктелді», - деп хабарлады прокурор.

Сонымен қатар прокурорлық тексеру ет өнімдерінің сауда объектілеріне жеткізілу процесі дұрыс бақыланбайтынын көрсетті.

• 800-ден астам сойыс пункттерінің 100-і тексеру кезеңінде жұмыс істемеген.
• Елде тағы 1,5 мың сойыс пункті жетіспейді.

«Халық сойыс пункттерін айналып өтіп, жеке аулаларда санитарлық нормаларды бұза отырып, малды сойып жатыр. Сөрелерге белгісіз сападағы және шығу тегі анықталмаған өнімдер түсе береді. Тандаулы тексерулер барысында ет өнімдеріне 5 мыңдай жалған анықтама анықталды, оның ішінде елорда нарығында сатылатындары да бар», - деді Бауыржан Мукашев.

Прокурордың айтуынша, азық-түлік қауіпсіздігін қамтамасыз ету де тиісті деңгейде ұйымдастырылмаған.

«Соңғы 1,5 жылда бір күндік компаниялар шамамен 9 мың тонна Қытай өндірісіндегі үйрек пен тауық етін импорттады, бұл өнімдердің Қазақстанға кіргізілуіне тыйым салынған болатын. Импорт, сонымен қатар, Қырғызстан арқылы және Жамбыл облысының шекаралық посттары арқылы жүргізілді», - деп нақтылады прокурор.

Тексерудің нәтижелері бойынша, үкімет анықталған заңбұзушылықтарды жою бойынша жол картасын бекітті.

«Мемлекетке ауыл шаруашылығы жануарларын толық идентификациялауды, ақпараттық базаны жақсартып, процестерді автоматтандыруды қамтамасыз ету ұсынылды. Ветеринарлық объектілердің ел ішіндегі қозғалысына бақылауды күшейту, өнімдердің түзілуін қамтамасыз етіп, адамның факторын минимизациялау ұсынылып отыр. Аурулардың таралуын болжау және ветеринарлық шараларды жоспарлаудың автоматтандырылған жүйесін, препараттарды бақылау және бағаларды реттеу үшін ақпараттық жүйені енгізу ұсынылды. Жол картасы жүзеге асырылуда, кейбір ұйымдастырушылық шаралар уже өткізіліп жатыр», - деп түйіндеді Бауыржан Мукашев.