Цифрлы теңгені ауыл шаруашылығында қолдану басталды

КазАгроФинанс цифрлы теңгені инвестициялық субсидияларды пайдалану барысын бақылау үшін пилоттық жобада қатысуда. Пилоттық жоба аясында Ақмола облысының фермері ауыл шаруашылығына арналған техниканы жеңілдікпен лизингке сатып алды - деп хабарлайды eldala.kz тілшісі.

• «Астыкжан К Т» ЖШС жеңілдікпен 5% ставкамен дән себетін культиватор мен роторлы шөп шабатын техниканы лизингке сатып aldı.
• Келісімнің сомасы 7,7 миллион теңгені құрады.
• Аванстық төлем мемлекеттік қаражат есебінен цифрлы теңге арқылы төленді.

«Цифрлы теңгенің басты артықшылықтарының бірі — арнайы шоттарға қаражатты алдын ала аударудың қажет етілмеуі. Жаңа механизм аванстық төлемдерді бақылауды автоматтандырады. Лизинг келісімшартының нәтижесінде қаржы институтына қажетті соманың автоматты түрде бөлінуін қамтамасыз етеді. Бұл қателіктер мен түсініспеушіліктерді болдырмайды және барлық қаржылық операциялардың ашықтығын арттырады», - деді «КазАгроФинанс» акционерлік қоғамының басқарма төрайымы Марс Алиш.

КазАгроФинанс цифрлы теңгені Қазақстанның ұлттық валютасының үшінші түрі ретінде қарастырады, ол қолма-қол және қолма-қол емес есептеулердің артықшылықтарын біріктіреді. Мәселен, цифрлы теңгемен төлем жүргізу үшін интернет қажет емес. Қос блокчейн технологиясы арқылы деректердің жоғары деңгейдегі қорғалуы мен барлық операциялардың ашықтығы қамтамасыз етіледі. Бұл бюджет қаражаттарының ағынын бақылауды мүмкін етеді.

2024 жылдың ақпанында үкіметтің кеңейтілген мәжілісінде президент цифрлы теңге арқылы қаражат қозғалысын бақылау жобаларын кеңейту туралы тапсырма берді. «Ақшаны бояу» механизмін бюджет қаражаттарын игеру процесіне енгізу сыбайлас жемқорлыққа қарсы саясат концепциясында жоспарланған.