Қазақстанда ауыл шаруашылығына арналған дрондарды басқару орталығы ашылды

Қазақстанда ауыл шаруашылығына арналған дрондарды басқару бойынша инновациялық білім беру орталығы ашылды - деп хабарлайды eldala.kz тілшісі.

Бұл орталық Қазақ ұлттық аграрлық университеті, Қытай аграрлық университеті және EAVISION компаниясы арасындағы ынтымақтастық нәтижесінде ашылды. Орталықтың басты мақсаты - студенттерді ауыл шаруашылығында дрондарды басқаруға үйрету, сондай-ақ мониторинг, картография зерттеулерін жүргізу мен жаңа технологияларды енгізу болып табылады, - деді орталықты ашу кезінде Қазақ ұлттық аграрлық университетінің ректоры Ахылбек Куришбаев.

• Орталық 40-тан астам қытай университеттерімен және ғылыми ұйымдармен белсенді түрде серіктес болып келеді.
• 2024 жылы су ресурстары, ландшафттық архитектура, ветеринария, зоотехния, азық-түлік қауіпсіздігі сияқты салаларда халықаралық орталықтар мен зертханалар ашылады.

Қытай аграрлық университетімен және Dayu Irrigation Group компаниясымен бірлесіп, құрғақ аймақтардағы су ресурстарын басқару үшін Қазақстан-Қытай халықаралық зертханасы құрылды. DAYU Irrigation Group компаниясы $1 млн астам көлемінде құрал-жабдықтар мен зертхананы жабдықтап берді.

Сонымен қатар, Ланчжоу университетімен бірлесіп, ақылды ауыл шаруашылығы Қазақстан-Қытай орталығы құрылды, онда үш ғылыми зертхана мен үш платформа жасалуда.

Алатау ақпараттық технологиялар паркінің аумағында агродрондарды құрастыру үшін бірлескен Қазақстан-Қытай Sunkar Eavision International LLP кәсіпорны құрылды.