Қазақстан мен Ресей арасында бидай импортын жеңілдету келісілді

Россельхознадзор мен Қазақстанның ауыл шаруашылығы министрлігінің өкілдері өсімдік өнімдерін өзара жеткізу мәселелерін талқылады. Онлайн келіссөздерде Қазақстан тарапы 2024 жылдың 1 қаңтарынан бастап үшінші елдер мен Еуразиялық экономикалық одақ (ЕАЭО) елдерінен бидай импортын шектеудің күшін жойғанын растады - деп хабарлайды eldala.kz тілшісі.

• Россельхознадзордың айтуынша, енді Қазақстанға бидайды шектеусіз импорттауға болады.
• Сонымен қатар, ведомстволар арасындағы кездесуде Ресейге Қазақстаннан гүлдер, көкөніс өнімдері, тұқым материалы мен дәнді дақылдарды жеткізу кезінде фитосанитарлық талаптардың сақталуы талқыланды.

Екі елдің құзырлы органдары карантиндік тауарларды Ресейге экспорттаған кезде Қазақстанда фитосанитарлық бақылау процедурасын талқылауға келісті.