Алматы облысында 18 автокөліктің қатысуымен автокөлік апаты болды

Алматы облысында ірі жол-көлік оқиғасы болды. 15 қаңтар күні сағат 7:30 шамасында Алматы - Өскемен автожолының 28-ші шақырымында 18 автокөліктің қатысуымен жол апаты орын алған, - деп хабарлайды inalmaty.kz тілшісі.

Апаттың себептері

Жол-көлік оқиғасы қою тұманның әсерінен болғаны атап өтілді. «Алдын ала ақпарат бойынша, апаттың себебі жүргізушілердің жылдамдық режимін және қауіпсіз қашықтықты сақтамауы болып табылады», - деді «ҚазАвтоЖол» ұлттық компаниясының өкілдері.

Жол жағдайы

• Апат болған учаске IА техникалық санатына жатады;
• Сол жолда 6 жолақ қозғалыс бар;
• Жол жабыны құрғақ, кемшіліксіз және бөгде заттарсыз.

Апат нәтижесінде ешкім зардап шеккен жоқ. Оқиғаның мән-жайлары анықталуда.