Алматыда 16 жасар жасөспірімнің оғаш әрекеті

Алматыда 16 жасар жасөспірім старттық пистолетпен екі рет ауаға оқ атқаннан кейін ұсталды - деп хабарлайды inalmaty.kz тілшісі.

Полицейлердің мәлімдеуінше, кеше, шамамен сағат бес кезінде полицияға белгісіз жасөспірімнің ауаға екі рет оқ атқаны туралы хабарлама түскен. Оқиға орнына шұғыл жеткен полиция қызметкерлері жасөспірімді жедел түрде анықтап, ұстады.

Зерттеу нәтижесінде 16 жасар жасөспірімнің старттық пистолеттен оқ атқаны расталды, оның әрекеті хулигандық пиғылдан туындаған.

Сонымен қатар, ведомствоның хабарлауынша, жасөспірім заңсыз қару қолданғаны үшін жауапқа тартылды. Оның заңды өкілінің тәрбиелік міндеттерін орындамағаны үшін хаттама жасалды.