Қазақстан жолдарында ауа райы нашарлайды

Қазақстан Республикасы Автомобиль жолдары комитеті ауа райының қолайсыз жағдайлары туралы жүргізушілерге ескерту жасады. 19 қаңтарда Алматы, Атырау, Ақтөбе, Ақмола, Шығыс Қазақстан, Батыс Қазақстан, Жамбыл, Түркістан, Маңғыстау, Павлодар, Қарағанды, Қостанай, және Қызылорда облыстарында, сондай-ақ Абай, Жетісу және Ұлытау облыстарында кейбір жерлерде қар жауып, қолайсыз ауа райы күтілуде - деп хабарлайды inalmaty.kz тілшісі.

Сол себепті, жүргізушілер қауіпсіздік ережелерін сақтап, жолдардағы ауа райының нашарлауын ескеруі қажет.

• Автомобильдердің қауіпсіздігін қамтамасыз ету үшін жүргізушілерге қарлы және тайғақ жолда жылдамдықты азайту ұсынылады.
• Жолға шықпас бұрын ауа райы болжамын тексеру маңызды.
• 72 сағат бойы 1403 нөмірі арқылы тәулік бойы қажетті ақпаратты алуға болады.