Қазақстандық астықтың транзитіне Ресей шектеулер қойды

Росельхознадзор Қазақстанның Ауыл шаруашылығы министрі Айдарбек Сапаровтың Ресей барлық шектеулерді алып тастады деп айтқан мәлімдемесін түсіндірді. Алайда, ресейлік ведомство бұл ақпаратты растамады – деп хабарлайды eldala.kz тілшісі.

Росельхознадзордың мәліметтері бойынша, қазіргі уақытта Қазақстаннан Ресейге бидай, чечевица және майлы зығыр тұқымдарын кіргізуге уақытша шектеулер әлі де күшінде. Дегенмен, аталған өнімдердің транзиті Қазақстан тарапынан фитосанитарлық сертификаттардың рәсімделуі кезінде, сондай-ақ астықтың теміржол вагондарынан кеменің трюмына ауыстырылуы жағдайында рұқсат етіледі.

«Қазақстандық шығу тегіндегі бұған дейін аталған астық өнімдерінің үшінші елдерге Ресей аумағы арқылы транзиті тек белгілі бір теңіз порттары арқылы жүзеге асырылуы мүмкін, олардың инфрақұрылымы астықты тікелей кемеге ауыстыруға мүмкіндік береді, бұл Ресей аумағында карантиндік зиянкестердің таралу тәуекелін болдырмайды», - деп мәлімдеді ведомство.

Сондай-ақ, Россельхознадзор Қазақстанның Ауыл шаруашылығы министрлігімен бірлесіп, Қазақстан шығу тегіндегі астық өнімдерінің Ресейге жеткізілімдерінде ЕАЭО-ның карантин фитосанитарлық талаптарын сақтау мақсатында нақты шараларды әзірлеу бойынша жұмыс жүргізіп жатқанын хабарлады. Оған қоса, Қазақстаннан Ресейге өсімдік текті өнімдерді жеткізудің, халықаралық экономикалық қызметпен айналыспайтын компанияларға жасалуы тексерілуде.