Соңғы 25 жылда елдердің кіріс санаттары қалай өзгерді?

Соңғы 25 жылда төмен кірісті елдердің үлесі 30,7% -дан 11,9% -ға төмендеді. 2023 жылы тек 26 ел жылдық ұлттық кірісі (ЖҰК) адам басына шаққанда төмен болған елдер қатарына кірді, бұл туралы Дүниежүзілік банк мәлімдеді. - деп хабарлайды ranking.kz.

Кіріс деңгейі бойынша жіктелу

Дүниежүзілік банк елдерді ұлттық кірісті адам басына шаққанда пайдаланып жіктеді. Бұл көрсеткіш елдің ішінде және сыртында резиденттер мен кәсіпорындар алған барлық табыстарды есепке алады.

• Төмен кірісті елдер: адам басына шаққанда 1145 АҚШ долларына дейін.
• Төмен орташа кірісті елдер: 1146-дан 4515 АҚШ долларына дейін.
• Жоғары орташа кірісті елдер: 4516-дан 14005 АҚШ долларына дейін.
• Жоғары кірісті елдер: 14006 АҚШ долларынан бастап.

Елдер бойынша статистика

Зерттеу деректеріне сәйкес, 218 елдің 86-сы жоғары кірісті елдер категориясына жатқызылады. Бұл категорияға батыс, солтүстік және орталық Еуропа, солтүстік Америка мен Таяу Шығыстың көпшілігі кіреді.

Осы жіктеудің ерекшелігі - Орталық Азия (ОА) және Еуразиялық экономикалық одақ (ЕАО) елдері арасынан тек Ресей осы санатқа кірген.

"Қытай 12 жылда төмен кірісті елдер категориясынан жоғары орташа кірісті елдер категориясына өтті және әлемнің екінші экономикасына айналды."

Сонымен қатар, 55 ел жоғары орташа кірісті категориясына жатқызылады. ОА және ЕАО елдері арасында Қазақстан, Беларусь, Армения мен Түркіменстан осы категорияда, ал Өзбекстан, Қырғызстан мен Тәжікстан төмен орташа кірісті елдер тобына жатады.