КазАгроФинанс 3 жаңа лизинг бағдарламасын ұсынады

КазАгроФинанс 20 ақпаннан бастап үш жеңілдетілген лизинг бағдарламасы бойынша өтінімдерді қабылдай бастайды. Барлығы осы мақсатқа 10,5 миллиард теңге бөлініп, жылдық мөлшерлемесі 6% болып белгіленген - деп хабарлайды eldala.kz тілшісі.

Бағдарламалардың сипаттамасы

• «Өз өнімдеріміз» - 3 миллиард теңге;
• «Қазақстанда шығарылған» - 5 миллиард теңге;
• «Жеңілдетілген лизинг 6% мөлшерлемемен» - 2,5 миллиард теңге.

«Қазақстанда шығарылған» бағдарламасы аясында ауыл шаруашылығы өндірісінің қызметкерлері навесной, прицепной және самоходная ауыл шаруашылық техникаларын, сондай-ақ, отандық өндіріс және құрастыру транспорттық құралдарын 6% жылдық мөлшерлемемен, 10 жылға дейінгі мерзімге сатып ала алады. Аванс 15%-дан басталады.

«Өз өнімдеріміз» бағдарламасы азық дайындау техникасын және Қазақстан мен шетелдерде шығарылған мобильді суару жүйелерін қаржыландыруға арналған. Бұл бағдарламада да мөлшерлеме 6% жылдық болып, 10 жылға дейінгі мерзімге, аванс 15%-дан кем болмауы тиіс.

«Жеңілдетілген лизинг» бағдарламасы фермерлерге отандық өндіріс/құрастырудағы самоходная ауыл шаруашылық техникасын аванссыз, 10 жылға дейінгі мерзімде, 6% мөлшерлемемен сатып алуға мүмкіндік береді.

«Жеңілдетілген лизинг бағдарламалары біздің клиенттер арасында жоғары сұранысқа ие. Сондықтан, бос ақша қаражаты пайда болған сәтте, біз оларды осы үш лизинг бағдарламасына - «Қазақстанда шығарылған», «Өз өнімдеріміз» және «Жеңілдетілген лизинг» бағыттауға шешім қабылдадық. Қазіргі уақытта алдағы егіс науқанына дайындалып бастау үшін тамаша уақыт», - деді «КазАгроФинанс» АҚ басқарма төрағасының орынбасары Еркебулан Жумжаев.

Қаржыландыруға өтінімдер 20 ақпанда сағат 15:00-де КАФ Telegram-боты арқылы қабылданады. Өтінімді тапсырғаннан кейін бес жұмыс күні ішінде КазАгроФинанс филиалына толық құжаттар пакетін ұсыну қажет.