Алматыда кедендік тексерулердің заңсыздығы анықталды

Алматылық транспорттық прокуратура ірі салық төлеушілердің атына келген тауарларды тексерудің 37 заңсыз фактісін анықтады. Бұл тексерулер инспекциялық-байқау кешендерінің істен шығуына байланысты, тәуекелдерді басқару жүйесінің профильдері негізінде жүргізілген - деп хабарлайды inalmaty.kz тілшісі.

Тексерулер ірі салық төлеушілерге қатысты таралмайтын профильдер бойынша жүргізілген. Бұл бизнес үшін қосымша қаржылық шығындарды туғызды.

Прокурорлық бақылау актісі бойынша заңсыз практика тоқтатылды, жауапты лауазымды тұлғалар тәртіптік жауапкершілікке тартылды.