«Даму» қорының жаңа басшысы тағайындалды

Фархат Сарсекеев «Даму» кәсіпкерлікті дамыту қорының басшысы болып тағайындалды. Жаңа басқарма төрағасын қор ұжымына «Бәйтерек» холдингінің басқарма төрағасының орынбасары Жандос Шайхы таныстырды - деп хабарлайды eldala.kz тілшісі.

Фархат Сарсекеевтің өмірбаяны

• 1984 жылы дүниеге келген.
• К.И. Сатпаев атындағы Қазақ ұлттық техникалық университеті мен Қазақ еңбек академиясын тәмамдаған.

Еңбек жолы

1. 2005 жылдан бастап банк секторында еңбек жолын бастады.
2. 2019-2023 жылдары «Даму» қорының басқарма төрағасының орынбасары қызметін атқарды.
3. 2023 жылдан бастап «Фридом Банк Қазақстан» акционерлік қоғамының корпоративтік бизнес бойынша басқарушы директоры болып жұмыс істеді.

Айта кетейік, «Даму» қоры фермерлерге жеңілдікті қаржыландыру бағдарламалары аясында несиелер бойынша кепілдік ұсынады.