Минералды тыңайтқыштарды тіркеу тәртібі бекітілді

2024 жылдың 2 қарашасынан бастап Еуразиялық экономикалық комиссияның минералды тыңайтқыштарды тіркеу тәртібі қолданысқа енгізіледі. Бұл туралы ЕЭК-тің баспасөз қызметі хабарлайды - деп мәлімдейді eldala.kz тілшісі.

• Тіркеу бір елдегі уәкілетті мемлекеттік орган арқылы өтеді.
• Процесс бес кезеңнен тұрады: өтінім қабылдау, құжаттарды тексеру, шешім қабылдау, тіркеу нөмірін беру және тіркеу куәлігін беру.

Егер тіркеу оң шешім қабылданса, минералды тыңайтқышқа жеке тіркеу нөмірі беріледі. Тіркелген тыңайтқыштың деректері ұлттық реестрге қосылады. Тіркеу куәлігінің әрекеті, қажет болған жағдайда, тоқтатылуы немесе қайта жалғастырылуы мүмкін.

“Минералды тыңайтқыштарды тіркеудің негізгі принциптері – құжаттар мен ақпаратты беру процесін жеңілдететін “бір терезе” механизмін қолдану, адам денсаулығы мен қоршаған ортаның қауіпсіздігіне қойылатын нормалармен сәйкестік, ЕАЭО елдерінің аккредиттелген зертханаларында жүргізілген зерттеулердің нәтижелерін өзара тану”, - деп атап өтті ЕЭК.

Минералды тыңайтқыштарды тіркеу тәртібі ЕАЭО-ның “Минералды тыңайтқыштарға қойылатын талаптар” техникалық регламентіне сәйкес дайындалған. Жақында ЕЭК Кеңесінің мүшелері - еуразиялық “бестіктің” вице-премьерлері аталған құжатқа қол қойды.

ЕЭК мәліметтері бойынша, аталған тәртіп кәсіпкерлерге қаржылық жүктемені азайтуға көмектеседі, өйткені минералды тыңайтқыштарды тіркеу үшін қажетті құжаттар мен ақпараттардың бірегей тізімі бекітіледі.

Сондай-ақ, бұл тәртіп минералды тыңайтқыштар бойынша одақтың техникалық регламентінің күшіне енуінің бір шарты болып табылады.

Бірегей реестрді қалыптастыру және жүргізу ЕАЭО-ның интеграцияланған ақпараттық жүйесі арқылы жүзеге асырылмақ, бұл өз кезегінде одақ аясында тиісті жалпы процесті жүзеге асыруды талап етеді.