Қазақстанда жаңа тыңайтқыштарды өндіру жобасы басталды

Кәсіптік қалдықтарды өңдеу арқылы тыңайтқыштарды әзірлеу бойынша зерттеу жұмыстарын М. Әуезов атындағы Оңтүстік Қазақстан университетінің ғылыми зерттеулер департаментінің қызметкері, доктор PhD Бахыт Смайлов жүргізуде. Бұл туралы ҚР Ғылым министрлігінің баспасөз қызметі хабарлады - деп жазады eldala.kz тілшісі.

Жоба мазмұны

Жобаның атауы: «Гуматтармен байытылған тыңайтқыштарды әзірлеу технологиясы ауыл шаруашылығында өнімділікті арттыру үшін». Жас ғалымның бұл жобасы жоғары бағаланып, 2022-2024 жылдарға арналған ҚР Ғылым министрлігінің конкурсында грант жеңіп алды.

Тыңайтқыштарды өндіру

Бахыт Смайлов:

«Ауыл шаруашылығында топырақтың құнарлылығын арттыру еліміз үшін өзекті мәселе болып табылады. Сондықтан мен жобамда қалдықтарда жинақталған заттарды пайдалануды жөн көрдім. Біз Түркістан облысының Төлеби ауданындағы Ленгер көмір бассейнінің қалдықтарын зерттедік, нәтижесінде гумин қышқылдарын алдық. Бұл органикалық байланыстар органоминералды тыңайтқыштардың алмастырылмас шикізаты болып табылады. Зерттеулер оң нәтиже берді, жобамыз өндіріс деңгейіне көтерілді. Оңтүстік өңір фермерлерімен өткізіп жатқан тыңайтқыштарды сынақтан өткізу нәтижелері топырақтың өнімділігінің жақсарғанын көрсетті, ал өнімділік артты», - деді Бахыт Смайлов.

Болашақ жоспарлар

Жоба патенттеліп, авторлық құқық алынды. Болашақта ауыл шаруашылығына қажетті тыңайтқыштарды шығаруды жоспарлап отырмыз.