Қазақ жерінің экологиясын сақтауға бағытталған жоба

Біріккен Ұлттар Ұйымының Қазақстандағы даму бағдарламасы ауыл шаруашылығы өндірісінің тұрақтылығын қолдау және Солтүстік Қазақстан экожүйелерін сақтау мақсатында жобаны жүзеге асыруда. - деп хабарлайды eldala.kz тілшісі.

Ақпаратқа сәйкес, ҚР Ауыл шаруашылығы министрлігінің вице-министрі Ермек Кенжеханұлының айтуынша, 2030 жылға дейін агроөнеркәсіптік кешенді дамыту концепциясы аясында ауыл шаруашылығы жерлеріндегі эрозияға ұшыраған аумақтарды азайту бойынша шаралар қарастырылуда.

БҰҰ мен Ауыл шаруашылығы министрлігінің бірлескен жобасы аясында Ақмола, Қостанай, Солтүстік Қазақстан және Павлодар облыстарында жерді пайдалану бойынша тұрақты тәсілдер мен тәжірибелер тестіленеді.

«Жердің деградациясымен күресу үшін экономикалық даму мен табиғи ресурстарды сақтау арасында теңгерімді қамтамасыз ететін кешенді жоспарларды қажет етеді», - деді Қазақстандағы БҰҰ Даму бағдарламасының тұрақты өкілі Катаржина Вавьерна.

Жоба аясында ауыл шаруашылығы өнімдерінің тұрақты өндірісі мен маңызды өндірістік-өткізу тізбектерін қолдау, жайылымдарды қалпына келтіру және аумақтық жоспарлауды оңтайландыру үшін агроэкологиялық ынталандырулар мен қаржылық құралдарды енгізу жоспарлануда.

Жоба Қазақстанның жер ресурстарын қалпына келтіруге, тұрақты ауыл шаруашылығын дамыту үшін жағдайлар жасауға және экологиялық тұрақтылықты қамтамасыз етуге бағытталған.

«Қазақстанда ауыл шаруашылығында пайдаланылатын жерлердің шамамен 75% әртүрлі деградация формаларына ұшыраған, мысалы, шөлейттену, тұздану, эрозия», - деп хабарлады Ауыл шаруашылығы министрлігі. «Қазақстан Үкіметі осы мәселелерді шешу үшін заңнаманы жетілдіреді, жер деградациясына қатысты мәселелер Жер кодексі мен Экологиялық кодекске енгізілген».