Ордабасы алғашқы жеңісіне қол жеткізді

Биылғы КПЛ-2025 турының бесінші кездесуінде Шымкенттегі "Ордабасы" мен Талдықорғанның "Жетысу" командалары кездескенін vesti.kz хабарлады.

Матч Шымкент клубының алаңында өтті, мұнда үй иелері 1:0 есебімен жеңіске жетті. Бірінші таймның 45-минутында жалғыз голды Эвертон салды.

Ойын барысында "Жетысу" командасының бас бапкері Самат Смағұлов 87-минутта алаңнан қуылып кетті.

Нәтижесінде "Ордабасы" КПЛ-2025 турындағы алғашқы жеңісін иеленіп, 13-орнынан 9-орынға көтерілді. Ал "Жетысу" командасы үш ұпаймен 11-орында қалады.