Мэнни Пакьяо бокс әлеміне қайта оралуы мүмкін

46 жастағы филлиппиндік боксшы Мэнни Пакьяо 2021 жылы үзіліс жасаған бокс мансабын қайта жалғастыруға дайын екендігін хабарлады. Жақында Халықаралық бокс ассоциациясы әйгілі экс-әлем чемпионына 2025 жылы Ресейде жекпе-жек өткізу ұсынысымен шықты. allboxing.ru

Пакьяо өзінің мансабын қайта жалғастырып, 2025 жылы ораламын деп сендірді. Боксшының сөзінше, қазіргі уақытта бірнеше ұсыныстарды талқылап, таңдауды жоспарлап отыр.

«Мен мансабымды жалғастырып, 2025 жылы ораламын. Бізде бірнеше ұсыныс бар, қазір оларды талқылап, таңдауды жоспарлап отырмыз», — деп келтіреді Пакьяоны ТАСС.

Филиппиндік боксшы 2021 жылдың тамызында Йорденис Угасқа жеңіліп, жартылай орта салмақтағы чемпиондық белбеуін жоғалтуынан кейін бокс мансабын аяқтады. Алайда, Пакьяо өз өнерін тоқтатпады және осы уақыт аралығында екі көрсетілім жекпе-жек өткізді. Сонымен қатар, ол америкалық Марио Барриосқа қарсы WBC чемпиондық титулы үшін рингке оралуды жоспарлап отыр.

Промоутер Шон Гиббонс Пакьяоның Филиппин Сенатында өтетін сайлауға қатысып, саяси мансабын жаңғыртуы мүмкін екендігін айтты. Сайлау науқаны ақпаннан мамырға дейін өтетін болса, Пакьяо келесі жылдың жазында рингке қайта шықпақ.

Сонымен қатар, келесі жылдың маусымында Мэнни Пакьяо Халықаралық бокс даңқы залында ресми түрде қабылданатын болады. Сарапшылардың бағалауы бойынша, оның кандидатурасы мансабын аяқтағаннан кейін үш жыл өткен соң дауыс беру тізімдеріне енгізіледі деп күтілуде.