Садриддин Ахмедовтың келесі жекпе-жегі жарияланды

Қазақстандық боксшы Садриддин Ахмедов (15-0, 13 КО) АҚШ-тағы келесі жекпе-жекінің датасы туралы ақпарат алды, деп хабарлайды vesti.kz.

BoxRec.com порталының мәліметіне сүйенсек, Ахмедов рингке 19 сәуірде Калифорния штатындағы Коммерсе қаласында оралады. Соперниктің аты әзірге жарияланған жоқ. Ол промоутер Том Леффлердің (360 Promotions) ұйымдастыруымен өтетін келесі шоуда өнер көрсетуі тиіс.

Есіңізде болсын, Ахмедовтың бұрынғы жекпе-жегі 2024 жылдың 13 желтоқсанында американдық Рафаэль Игбоквеге (17-6, 7 КО) қарсы өтті. Chumash Casino аренасында (Калифорния штаты, АҚШ) өткен жекпе-жек Ахмедовтың жетінші раундта нокаутпен жеңісімен аяқталды.

Осы жекпе-жектен кейін Ахмедов Калифорния штатының Атлетикалық комиссиясы тарапынан шеттетілді. Комиссия Ахмедовты 2025 жылдың 11 ақпанына дейін дисквалификациялады. Медициалық дисквалификация боксшылардың ауыр жекпе-жектен кейін қалпына келуін жеделдету мақсатында енгізілген.

Сонымен қатар, Садриддиннің осы жекпе-жекке дайындығын Абель Санчес - Геннадий Головкиннің бұрынғы жаттықтырушысы жүргізді. Бұдан басқа, Ахмедов GGG-дің бұрынғы менеджері Том Леффлермен ынтымақтастық жүргізуде.