UFC 315: Белал Мухаммад мен Шавкат Рахмонов кездесуі күтілуде

UFC-нің жартылай орта салмақтағы чемпионы Белал Мухаммад Монреалда (Канада) өтетін 315-нөмірлі турнир туралы ақпаратқа пікір білдірді, деп хабарлайды vesti.kz.

Белал әлеуметтік желідегі парақшасында осы жаңалықты қайта жариялап, эмодзи қосып, шоу картасын басқаруға дайын екенін меңзеді. Белал Мухаммадтың алдағы жекпе-жегінде қазақстандық боец Шавкат Рахмоновға қарсы титулын қорғауы күтілуде.

Естеріңізге сала кетейік, бұл Рахмоновтың чемпионмен кездесудегі екінші әрекеті. Алғаш рет олар өткен жылдың желтоқсанында кездесуі тиіс болды, алайда Мухаммад денсаулық проблемаларына байланысты жекпе-жектен бас тартты.

Мухаммад соңғы жекпе-жегін 2024 жылдың 27 шілдесінде ағылшын Леон Эдвардсқа (22-4) қарсы өткізді. Ол сол кезде жартылай орта салмақ белбеуін жеңіп алды және содан бері октагонға шығып көрмеді. Осылайша, Шавкатпен кездесуі оның титулын алғашқы қорғауы болады.

Рахмонов өткен жылдың желтоқсанында жарақат алған чемпионның орнына шыққан ирландық Иән Гэрриді (15-1) жеңді.