Қазақстанда ұлттық кеңістіктік деректер инфрақұрылымы жобасы аяқталды

Қазақстан Республикасы Цифрлық даму, инновациялар және аэроғарыш өнеркәсібі министрлігі «Ұлттық кеңістіктік деректер инфрақұрылымы» (ҰКДИ) жобасын іске асыруды аяқтады. Жоба цифрлық экономиканы, геокеңістіктік қызметтерді және инновациялық технологияларды дамытудағы маңызды қадам болып табылады.

Жобаның негізгі жетістіктері

• Мемлекеттік геодезиялық, нивелирлік және гравиметриялық желілер жаңғыртылды.
• Қазіргі заманғы мемлекеттік координаттар жүйесі QazTRF-23 енгізілді, ол CORS тұрақты жұмыс істейтін референцтік станциялар желісімен бекітілді.
• Координаттар жүйелері арасындағы трансформация параметрлері әзірленді.
• QazTRF-23 негізінде Бірыңғай цифрлық картографиялық негіз (БЦКН) құрылды.
• Бірыңғай ортофотомозаика жасалды, онда республика аумағының аэроғарыштық түсірілім материалдары бар.
• «Мемлекеттік геодезиялық қамтамасыз ету» ақпараттық жүйесі құрылды, ол геодезиялық желіні басқаруды автоматтандырады.
• «ҰКДИ мемлекеттік геопорталы» ақпараттық жүйесі енгізілді, онда цифрлық картографиялық платформа орналастырылған.

Пайдаланушыларға арналған мүмкіндіктер

«ҰКДИ мемлекеттік геопорталы» АЖ-де «Өз картаңды жасау» құралы арқылы пайдаланушылар деректер жинақтап, кешенді тал анализ жүргізе алады. Барлық картографиялық материалдар мен кеңістіктік деректер мемлекеттік геопорталында жарияланған.

Онлайн картографиялық сервис арқылы ҰКДИ материалдарын жүктеу мүмкіндігі бар, бұл қазақстандық стартаптар мен IT-компанияларға жаңа сервис әзірлеуге жағдай жасайды.

Қазақстанның цифрлық трансформациясы жаңа дәрежеге көтеріледі.