SMART Daryn: Дарынды оқушылар мен педагогтер үшін жаңа мүмкіндіктер

2025 жылдың сәуір айынан бастап «Дарын» республикалық ғылыми-практикалық орталығы дарынды оқушылар мен педагогтерді қолдау мақсатында SMART Daryn ұлттық цифрлық платформасын іске қосады. Бұл цифрлық жоба республикалық және халықаралық сайыстарға оқушыларды дайындаудың маңызды құралына айналады.

SMART Daryn платформасы онлайн-білім алу мен тәжірибелі тренерлермен кеңесу мүмкіндігін ұсынып, оқушыларға білімдерін жетілдіруге көмектеседі. Оқушылар интеллектуалдық байқауларға дайындықтарын арттыру үшін платформаны пайдаланатын болады.

Жобаның ерекшеліктері

Платформаның алғашқы кезеңінде прокторинг жүйесін қолданып онлайн-олимпиадалар мен конкурстар өткізу жоспарлануда. Алдағы уақытта онлайн-сабақтар ұйымдастырылып, білім беру процесі қолдауға ие болады.

«Платформа дарынды оқушылардың дамуына және педагогтердің біліктілігін арттыруға жаңа мүмкіндіктер ашып, оқу процесіне заманауи білім беру технологияларын енгізуге ықпал етеді. Біз SMART Daryn жобасы дарынды оқушылар үшін сапалы білім алуды айтарлықтай жеңілдетіп, білім беру жүйесінің барлық қатысушылары арасында тиімді өзара әрекеттестік орнататынына сенімдіміз», — дейді «Дарын» РҒПО директоры Ғаждембек Тұрсынов.

Мамандырылған білім беру ұйымдарына емтихандар

Сонымен қатар, платформада дарынды балаларға арналған мамандандырылған білім беру ұйымдарына түсу үшін емтихандар өткізу жоспарланған. Қазіргі таңда Қазақстанда 130-дан астам мамандандырылған мектеп бар.

Педагогтерге арналған ресурстар

SMART Daryn педагогтер үшін әдістемелік материалдар мен кеңестерден тұратын онлайн-кітапхана ұсынатын болады. Бұл әрбір мұғалімнің кәсіби деңгейін арттыруға көмектеседі.