Сатылымда 1992 жылғы «үштік» E36 BMW-ның жаңа күйдегі үлгісі

АҚШ-тағы онлайн аукциондардың бірінде 1992 жылғы E36 шанақты BMW 325i ұсынылды. Сатушылар машинаның әлі жаңа екенін хабарлап, оның барысын көрсетіп отыр. 1990 жылдардың басында шыққан модельдің жүрген жолы 3 мың мильге жетпейді, яғни одометрдегі көрсеткіш 2952-ні көрсетіп тұр.

1 / 13

1 / 13

Машина туралы нақты тарих табылған жоқ, бірақ аппақ седан ұзақ уақыт бойы бір адамның иелігінде болған. BMW 1992 жылы Нью-Йорк штатында тіркелген, қазіргі иесі өткен жылы сатып алып, Нью-Джерсиде қайта тіркеген. Көліктің басым бөлігін 1992–1999 жылдар аралығында жүрген.

Седан 189 ат күшіне ие (245 Нм) және 2.5 литрлік M50 сериялы алты цилиндрлі моторымен жабдықталған. Қозғалтқыш 4 сатылы автомат қораппен жұптаса жұмыс істейді.

Сатушы комплектациясына екі аймақты климат-бақылау, жылытуға болатын кресло, борттық компьютер және круиз-бақылау енгізілгенін атап өткен. Интерьеры былғарымен қапталған.

1 / 13 1 / 13

Аукцион жабылатын сәтте, E36-ның бағасы 10.5 мың долларды (5.3 млн теңге) құраған. Сауда аяқталғанға дейін құнының артуы ықтимал.

E36 шанақты 3-сериялы BMW Қазақстан жолдарында өте жиі кездеседі. Kolesa.kz веб-сайтында 500-ге жуық «үштік» сатылады, ал кейбірінің бағасы 8.5 млн теңгеге дейін жетеді. Алайда, олардың барлығы M3 емес.