Қазақстанда Proton электромобильдерді шығару мүмкіндігі талқыланды

Қазақстанда өнеркәсіп және құрылыс министрі Ерсайын Нағаспаев пен малайзиялық Proton Holdings Berhad компаниясының басшылары кездесті.

Кездесудің басты тақырыбы елімізде электромобиль сегментін дамыту және құрастыру болды. Proton e.MAS атты брендімен Қазақстанда электромобиль шығару мүмкіндігін қарастырып жатыр. Нәтижесінде, бұл жоба бойынша жол картасын әзірлейтін жұмыс тобы құрылды.

Proton Holdings Berhad дегеніміз не?

Proton — Lotus және MV Agusta секілді белгілі брендтерге иелік еткен холдинг. Қазіргі таңда Proton брендімен автокөлік шығарады. 1980-1990 жылдары, Mitsubishi модельдерінің белгісін ауыстырып, көлік сатумен айналысқан, ал 2000 жылдарға келгенде жеке жобаларын жасауға көшті. Ол кезде тұңғыш Waja седаны жарық көрді.

Бүгінде Proton топтамасынан таныс автомобильдерді байқауға болады, оларға Geely жаңарту жүргізген. 2017 жылдан бері Proton компаниясының 49.9%-ы Geely-ге тиесілі. Бұл уақытта Lotus та Қытай брендінің иелігіне өтті.

Proton электромобильдері

Proton-да қазіргі уақытта электромобильдер жоқ десе болады. Алайда, e.MAS брендімен e.MAS 7 моделі сатылып жатыр, ал биыл IV тоқсанда e.MAS 5 моделі қосылады.

1. e.MAS 7 — 218 ат күшіне ие моторымен Geely Galaxy E5. Ол 49.52 немесе 60.22 кВт·сағ аккумулятор алады және CLTC циклі бойынша 530 шақырым жүреді.
2. e.MAS 5 — Geely Geome Xingyuan. Ұзындығы 4.1 метр, 5 есікті хэтчбек 79 немесе 116 ат күшіне ие электромотормен жабдықталады, жүріс қоры 410 км.

Малайзия компаниясы Қазақстанда электромобиль шығаруды жоспарлап отыр. Galaxy E5 моделі Еуразиялық экономикалық одақ (ЕЭО) аумағында конвейерге шықты, ол мамырдан бері Беларусьте жасалып жатыр, ал Ресейде Galaxy EX5 атауымен сатылып жатыр.