Tesla Model Y-дың жаңартылған нұсқасы көпшілікке таныстырылды

Желіде әлемдегі ең танымал электромобильдердің бірі Tesla Model Y-дың рестайлингтен өткен нұсқасының алғашқы суреті тарады. Автомобиль қысқы сынақ кезінде көзге түскен, кроссовер ешқандай камуфляжсыз сынақтан өтіп жатыр.

Қытайда жарияланған фотосуретте жаңартылған Model Y-дың дизайны Cybertruck моделін елестетеді. Дизайндағы өзгешеліктерге назар аударатын болсақ, мыналарды атап өтуге болады:

• Алдыңғы жағындағы жіңішке жарықдиодты жолағы;
• Сәл төмен орналасқан шамдар;
• Артқы шамдардың ерекше дизайны.

Model Y-дың сыртқы бейнесінен бөлек, интерьерінде де айтарлықтай өзгерістер бар. Жоспар бойынша, салоны 2023 жылы күзде жаңартылған Model 3 моделінің стилінде жасалуы мүмкін.

Былтыр желтоқсанның соңында қытайлық БАҚ Tesla-ның зауыты 2025 жылы қаңтардан бастап жаңартылған Model Y-ды шығаратыны жөнінде ақпарат таратқан.